Навишти ному насаб дар ҳуҷҷатҳои расмӣ муҳокима шуд

Душанбе, 18.02.2016. (АМИТ Ховар).-Кумитаи забон ва истилоҳоти кишвар дар асоси пешниҳоди лоиҳаи қарори Ҳукумати Ҷумҳурии Тоҷикистон «Оид ба Феҳристи номҳои миллии тоҷикӣ» 16-уми феврали соли равон дар китобхонаи кумита нишасти навбатӣ баргузор намуд.
Дар нишасти машваратӣ гурӯҳи кории кумита намояндагон аз Академияи илмҳо, вазоратҳои корҳои хориҷӣ, корҳои дохилӣ ва адлия, Сарредаксияи илмии Энсиклопедияи миллии тоҷик ва Донишгоҳи омӯзгории Тоҷикистон ширкат намуда, масъалаи бартараф намудани мушкилоти ҷойдошта оид ба навишти ному насаб дар ҳуҷҷатҳои расмиро мавриди муҳокима ва баррасӣ қарор доданд.
Пешниҳоду тавсияҳои намояндагони мақомоти дахлдор ба таври хаттӣ пешниҳод гардида, он мавриди баррасии кумита қарор гирифта, дар «Феҳристи номҳои миллии тоҷикӣ» ҷой дода мешавад.