Нисбат ба ронандагони мошинҳои гаронвазн муҷозоти маъмурӣ муқаррар мешавад?
Душанбе, 10.02.2016. (АМИТ «Ховар»). — Ҳамасола дар Ҷумҳурии Тоҷикистон бо сарфи зиёди маблағҳои буҷавӣ ва ҷалби сармоягузориҳои хориҷӣ садҳо километр роҳҳои мошингард таҷдид ва аз сари нав барқарор мешаванд. Ин ҳолат бо сабаби риоя нагардидани талаботи муқарраршудаи истифодаи роҳҳо аз ҷониби ронандагон, ки бо мошинҳои гаронвазн ва калонҳаҷм аз роҳҳои мошингард убур намуда, бо ҳамин сабабгори заиф гардидани ҳолати техникии он ва зуд вайрон шудани онҳо мегардад, ба амал меояд. Дар ин бора муовини вазири нақлиёти ҷумҳурӣ Зулфия Ёрова дар ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати панҷум ибрози ақида намуд.
Ҳарчанд ҳоло қарорҳои Ҳукумати Тоҷикистон. “Дар бораи тасдиқи қоидаҳои аз роҳҳои мошингард гузаштани воситаҳои нақлиёт бо бор ва андозҳое, ки аз меъёри муқарраршуда зиёданд” ва “Дар бораи ҷорӣ намудани маҳдудиятҳои мавсимии вазн ва сарборӣ ба тири меҳвари воситаҳои нақлиёт ҳангоми ҳаракати онҳо дар роҳҳои мошингарди истифодаи умум” амал мекунанд, аммо масъалаи танзими нақлиёти гаронвазн ҳанӯз ҳал нашудааст.
«Инчунин барои риоя накардани талаботи маҳдудияти мавсимӣ (аз 1 май то 31 август) бо қарори дар боло овардашуда муқаррарот вобаста ба татбиқи муҷозоти маъмурӣ пешбинӣ нашудааст»,-илова намуд Зулфия Ёрова.
Муовини вазири нақлиёт аз намояндагони мардумӣ тақозо намуд, ки дар моддаҳои 311 ва 323-и Кодекси ҳуқуқвайронкунии Ҷумҳурии Тоҷикистон тағйирот ворид намуда, нисбат ба ронандагони мошинҳои гаронвазн муҷозоти маъмурӣ муқаррар шавад. Ҳамчунин нисбат ба ронандагони кишварҳои хориҷӣ, ки талаботи Созишномаи байналмилалиро дар самти ҳаракати худ риоя намекунанд, низ ҷаримабандӣ ва ё муҷозоти маъмурӣ татбиқ шаванд.
Зулфия Ёрова чунин мешуморад, ки ворид намудани тағйиру иловаҳо ба Кодекси ҳуқуқвайронкунии маъмурӣ ба ҳифзи бозори дохилӣ ва ҳуқуқу манфиатҳои интиқолдиҳандагони ватанӣ дар пешбурди фаъолияти ҳамлу нақли байналмилалии мошинӣ ва таъмини иҷрои талаботи Созишномаи байналмилалӣ мусоидат менамояд.
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
