«Оғоз ба илм»: Муҳиба миёни 700 иштироккунанда сазовори ҷои дуюм гардид
Душанбе, 29.02.2016. (АМИТ «Ховар»).- Аз 11 то 19 феврал дар шаҳри Маскави Федератсияи Русия 18-умин Конфронси байналмилалии корҳои илмӣ-техникии хонандагони давлатҳои аъзои ИДМ ба номи «Оғоз ба илм» доир гардид, ки дар он Муҳиба Раҳимова-хонандаи синфи 11-и литсей-интернати президентӣ барои кӯдакони болаёқати шаҳри Душанбе ширкат варзида, миёни 700 иштироккунанда сазовори ҷои дуюм гардид.
Тавре ки аз Вазорати маориф ва илми Ҷумҳурии Тоҷикистон хабар доданд, Муҳиба Раҳимова ҳоло хатмкунандаи литсей-интернати президентӣ барои кӯдакони болаёқати Ҷумҳурии Тоҷикистон буда, дар муддати таҳсил дар ин муассисаи таълимӣ дар озмунҳои ҷумҳуриявию байналмилалӣ иштирок варзида, сазовори ҷойҳои намоён гаштааст. Аз ҷумла, соли 2014 дар Озмуни даставии хонандагони мактабҳои президентӣ аз фанни математика соҳиби ҷои аввал, инчунин ҳамон сол дар Олимпиадаи байналмилалӣ аз фанни математика дар Ҷумҳурии Қазоқистон сазовори ҷои дуюм гардид. Соли 2014 дар Озмуни IV-уми байналмилалии корҳои илмӣ оид ба математика ва механика, ки дар Ҷумҳурии Қазоқистон баргузор шуд, сазовори медали биринҷӣ низ гашт. Соли 2015 дар Озмуни V-уми байналмилалии корҳои илмӣ оид ба математика ва механика ба номи О. Жолдосбеков соҳиби медали нукра гашта, номбардори парчами Ҷумҳурии Тоҷикистон шуд.
Илова ба ин, соли 2015 Муҳиба Раҳимова аз озмуни лоиҳаи Университети Осиёи Марказӣ гузашта, барои таҳсил дар лагери Осиёи Марказӣ ба Ҷумҳурии Қирғизистон роҳхат гирифт.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
