Омодагӣ ба Бозиҳои V соҳилии Осиё дар Ветнам
Душанбе, 20.02.2016 (АМИТ «Ховар»).- Рӯзи 18 феврал дар қароргоҳи Кумитаи миллии олимпии Тоҷикистон ҷаласа барпо гардид, ки дар он масъалаи омодагӣ ба Бозиҳои V соҳилии Осиё дар Ветнам баррасӣ шуд.
Дар ин ҷаласа, ки таҳти раёсати котиби генералии Кумитаи миллии олимпии Тоҷикистон Баҳрулло Раҷабалиев доир шуд, кормандони масъули КМО ва намояндагони федератсияҳои миллии варзишӣ ширкат доштанд.
Тавре ба Хадамоти матбуотии Кумитаи миллии олимпии Тоҷикистон хабар медиҳад, Баҳрулло Раҷабалиев иброз дошт дар Бозиҳои V соҳилии Осиё, ки аз 24 сентябр то 3 октябри соли 2016 дар шаҳри Да Нанги Ветнам баргузор мешаванд, варзишгарони 45 кишвар оид ба 14 намуд рақобат мекунанд. Вай гуфт, ки дар ин бозиҳо дастаи мунтахаби Тоҷикистон аз рӯи 12 намуд — баскетбол, гуштии соҳилӣ, гуштии кураш, варзиши сабук, шиноварӣ, самбо, футбол, волейбол, ҳандбол, ҷиу ҷитсу, муайтай ва бадансозӣ ширкат хоҳад кард.
Директори генералии Кумитаи миллии олимпии Тоҷикистон Муҳаммадшо Абдуллоев намояндагони федератсияҳоро бо Низомнома ва Барномаи Бозиҳои V соҳилии Осиё ошно намуда, дар бораи ҷараёни омодагӣ ба ин бозиҳо иттилоъ дод.
Федератсияҳои миллии варзишӣ вазифадор шуданд, ки барои иҷрои нақшаи омодагӣ ва ширкат дар ин бозиҳо чораҳои зарурӣ андешанд.
Ёдовар мешавем, варзишгарони тоҷик дар Бозиҳои IV соҳилии Осиё, ки соли 2014 дар шаҳри Фукети Тайланд баргузор шуда буданд, 1 медали тилло (Муҳаммадмурод Абдураҳмонов, гуштии кураш) ва 2 медали биринҷӣ (Саидҷалол Саидов, кураш ва Ҷомӣ Латифов, муайтай) ба даст оварданд.
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
