Пешгирии бемории сил дар Кӯлоб

Кӯлоб, 10.02.016(АМИТ «Ховар»). -Бо дастгирии Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва дар ҳамкорӣ бо ташкилоти байналмилалии духтурони бидуни марз барои ҳимояи аҳолӣ аз бемории сил дар шаҳри Кӯлоб ташхисгоҳи муосир кушода шуд.

Тавре  ки Раҳматулло Ҷумъаев, сардухтури беморхона иттилоъ дод, духтурони бидуни марз дар беш аз 70 давлати дунё фаъолият доранд ва ба муқобили бемориҳои сироятӣ мубориза мебаранд. Дар Ҷумҳурии Тоҷикистон аз соли 2011 намояндагии «ХОУП» фаъолият дорад. Аз рӯи барнома онҳо дар Тоҷикистон бештар барои пешгирӣ аз бемориҳои вируси норасоии масъунияти одам ва бемории сил фаъолият мекунанд.