Суҳбати кушод бо сокинони шаҳри Норак

Февраль 10, 2016 16:29

Душанбе, 10.02.2016. (АМИТ «Ховар»). — Имрӯз дар Қасри фарҳанги шаҳри Норак мулоқоти роҳбарияти кумитаҳои ҷавонон, варзиш ва сайёҳӣ, забон ва истилоҳот, кор бо занон ва оила, оид ба корҳои дин, танзими анъана ва ҷашну маросими миллӣ бо сокинони шаҳр доир гардид.
Дар мулқот бештар аз 500 нафар, аз ҷумла занону ҷавонони шаҳр иштирок намуданд. Роҳбарияти кумитаҳо оид ба баъзе мушкилоти сокинон суҳбати кушод анҷом дода, аз ҷумла ба ҳодисаи ба худкушӣ даст задани як тан сокини ҳамин шаҳр таваҷҷуҳ зоҳир карда, доир ба мавзуъҳои пешгирии занону ҷавонон аз даст задан ба омилҳои номатлуб, ба монанди худкушӣ, ба гурӯҳҳои иртиҷоӣ пайваст гардидани баъзе аз ҷавонон, никоҳи бармаҳал, вайроншавии оилаҳои ҷавон ва дигар мушкилоти ҷомеа андешаронӣ карданд.
Намояндаи Кумитаи оид ба корҳои дин, танзими анъана ва ҷашну маросими миллӣ таъкид кард, ки аз нуқтаи назари дини Ислом худкушӣ гуноҳ ҳисоб меёбад.
Аҳтам Абдуллозода, раиси Кумитаи ҷавонон, варзиш ва сайёҳӣ доир ба баъзе мушкилоти ҷавонон изҳор намуд, ки марҳила ба марҳила тамоми шароитҳо барои ҷавонон муҳайё гардида, бобати таъмини онҳо бо ҷойи кор тадбирҳо андешида мешаванд. Масъулин ба хонаи марҳум рафта, арзи тасаллияти худро ба аҳли хонадони онҳо расониданд.
Дар назар аст ин гуна силсиламулоқот дар дигар ҷамоату маҳаллаҳои шаҳр доир шаванд.

Февраль 10, 2016 16:29

Хабарҳои дигари ин бахш

«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд
ОМОДАГӢ БА СОЛИ НАВИ ТАҲСИЛ. Дар Истаравшан намоиш-фурӯши либосҳои мактабӣ ташкил гардид
Муовини Президенти Шурои ҷаҳонии ҳунарҳои мардумӣ дар минтақаи Осиё-Уқёнуси Ором бо тамаддуни тоҷикон шинос шуд
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд