Қуръакашии бозиҳо барои Ҷоми ФФТ

Душанбе, 4.02.2016 (АМИТ «Ховар»).- Федератсияи футболи мамлакат қуръакашии бозиҳои марҳалаи аввали Ҷоми ФФТ-ро дар минтақаи Душанбе баргузор намуд, ки дар он ҳашт даста ширкат менамоянд.
Ба ғайр аз дастаҳои лигаи олӣ, “Истиқлол”, КМВА “Помир”, “Барқи тоҷик” “Регар-ТадАЗ” ва “Хайр”, инчунин тимҳо аз лигаи якум, “Кӯктош”, “Помир” ва “Локомотив” иштирок мекунанд. Дар даври аввал рӯзи 10 ва 11 феврал дар варзишгоҳи марказии пойтахт “Помир” бо “Регар-ТадАЗ”, “Барқи тоҷик” бо “Хайр” ,“Кӯктош” бо “Локомотив” ва КМВА “Помир” бо “Истиқлол” қувва меозмоянд.
Дар мусобиқаи марҳалаи аввал ҳамаи дастаҳо ба таври даврӣ бо ҳам як маротиба қувва месанҷанд ва дар натиҷа чор дастаи беҳтарин ба бозиҳои ниҳоӣ роҳхат мегиранд.