Ярмаркаи байналмилалии савдо «Суғд — 2016» доир мешавад

Хуҷанд, 17.02.2016 (АМИТ «Ховар»).- 17 ва 18-уми июни соли равон дар маркази вилояти Суғд — шаҳри Хуҷанд Ярмаркаи байналмилалии савдо «Суғд — 2016» доир мешавад.
Ярмаркаи мазкур бо мақсади дастгирии рушди савдои байналмилалӣ, баланд бардоштани нерӯи содиротӣ, ба роҳ мондани ҳамкории судманд бо давлатҳои хориҷии дуру наздик, ҷалби сармоягузорӣ ва воридоти технологияҳои муосир, ба маъраз гузоштани меваю сабзавоти тару тоза, хушкмеваҳо, намудҳои гуногуни маҳсулоти саноатӣ ва маҳсули ҳунарҳои мардумӣ баргузор мешавад.