Чорабинии наврӯзӣ дар Коллеҷи политехникии Зафаробод
Душанбе, 18.03.2016 (АМИТ «Ховар»).-Дар арафаи ҷашни байналмилалии Наврӯз бо мақсади тарғибу ташвиқи ғояҳои миллӣ ва баланд бардоштани ҳисси хештаншиносӣ дар Коллеҷи политехникии ноҳияи Зафаробод чорабинии наврӯзӣ доир гардид.
Дар чорабинии идонаи ин боргоҳи илму маърифат раиси ноҳия Сулаймон Зиёзода иштирок намуда, ҳозиринро бо фарорасии иди Наврӯз табрик намуд.
Инчунин намоиши либосҳои миллӣ, ҳафтшин, ҳафтсин ва дигар барномаҳои фарҳангӣ пешкаши ҳозирин гардиданд.