Дарҳои кушод дар Вазорати корҳои хориҷӣ
![](https://khovar.tj/wp-content/uploads/2016/03/S7A7752.jpg)
Душанбе, 11.03.2016. (АМИТ «Ховар»). — 11 марти соли равон6 дар бинои Вазорати корҳои хориҷӣ рӯзи “Дарҳои кушод” барои толибилмони мактаб-интернати №4 баргузор гардид. Дар ин чорабинӣ 25 нафар хонандагони мактаби мазкур ширкат варзиданд.
Зимни боздид аз вазорат толибилмон бо самтҳои асосии фаъолияти мақомоти сиёсати хориҷӣ дар марҳилаи кунунӣ, вазифа ва уҳдадориҳои раёсатҳои кишварӣ ва раёсати созмонҳои байналмилалӣ шинос шуданд. Инчунин онҳо аз утоқҳо ва шарту шароити кории дипломатҳо боздид намуданд. Вохурӣ бо маросимӣ аксгирӣ ба охир расид.