Доварон малака меомӯзанд

Душанбе, 4.03.2016 (АМИТ «Ховар»).-Бо ташаббуси ФФТ дар меҳмонхонаи «Вахш»» семинари доварони дараҷаи якум, ки аз 3 март то 9 март идома меёбад, оғоз ёфт. Дар он 32 довар иштирок мекунад. Ноиби президент ва Котиби ФФТ Хуршед Файзуллозода муҳимияти вазифаи довариро дар майдони футбол зикр карда, ба доварон дар ин ихтисоси пурмасъулият комёбиҳо таманно кард.
Коршиносони футбол Абдураҳим Бобоев, Равшан Ишматов ва Рустам Абдуллоев бо доварон машғулиятҳои амалӣ ва назариявӣ мегузаронанд. Доварон имкон доранд дар бозиҳои Ҷоми ФФТ маҳорату малакаи худро такмил диҳанд.