Футболи бонувон дар иди модарон

Душанбе, 5.03.2016 (АМИТ «Ховар»).-Дар варзишгоҳи марказии пойтахт мусобиқаи дастаҳои футболи занона бахшида ба иди модарон бо ширкати 8 даста шурӯъ гардид. Ба гурӯҳи “А” дастаҳои “Хуҷанд» (Хуҷанд), «Вахш» (Курғонтеппа), мунтахаби наврасони Тоҷикистон (U-14) ва  «Барқ» (Норак) ба гурӯҳи “Б” “Ласточка” (Душанбе), “Зебо” (Ҷиликӯл), “Ситора” (Фархор) ва  “Регар-ТадАЗ” (Турсунзода) шомил шуданд.

Дар вохӯрии рӯзи аввал “Вахш” бар  “Барк”– 3:0  ва мунтахаби наврасони Тоҷикистон (U-14)  бар “Худҷанд”  5: 1 пирӯз гардиданд. Мусобиқа рӯзи якшанбе ҷамъбаст мегардад.