Гӯштин суннати қадимии Наврўз аст
Хоруғ, 25.03.2016. (АМИТ «Ховар»). -Мусобиқа аз намуди гӯштини миллӣ бо ширкати бештар аз 100 паҳлавон ва ҳазорон мухлис дар қасри варзиши шаҳри Хоруғ баргузор шуд. Ин сабқат бо ибтикори Раёсати Кумитаи ҷавонон, варзиш ва сайёҳӣ дар вилоят роҳандозӣ шуд.
Сардори раёсати мазкур Расо Раҷабов гуфт, ки ҷашни Наврўзро бе қувваозмоии паҳлавонон тасаввур кардан ғайриимкон аст. Агарчи минтақаҳои ҳавзаи байналмилалии Наврўз бо расму маросими хосаашон аз ҳамдигар фарқ мекунанд, аммо мусобиқаи гӯштин инҳоро ба ҳам наздик мекунад. Қариб дар аксарияти ин минтақаҳо мусобиқаи гӯштингирӣ баргузор мегардад. Инро ба инобат гирифта, Пешвои миллат 22 мартро Рӯзи гӯштингирон эълон кард, ки барои минбаъд бештар ҷалб кардани ҷавонон ба ин намуди зебои варзиш такони хубе мебахшад.
Ба гуфтаи сардори раёсати ҷавонон, варзиш ва сайёҳии вилоят бештари ҷавононе, ки имрўз дар арсаи байналмилалӣ кишвари моро муаррифӣ мекунанд, нахустин қадамҳои худро ба варзиш маҳз дар рўзи Наврўз гузошта буданд.
Шоҳҷоизаи мусобиқа насиби паҳлавон Самсон Зарифбеков гашт. Вай бар ҳарифи худ Рауф Зиёбеков дастболо шуд ва пирӯзиро аз они худ кард.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
