“Истиқлол” бо 17 бозингар ба Теҳрон рафт

Душанбе,14.03.2016 (АМИТ «Ховар)-Чемпиони мамлакат “Истиқлол”-и Душанбе барои баргузор кардани бозии даври сеюми Ҷоми КФО бо тими “Нафт Алвасат”-и Ироқ ба пойтахти Ҷумҳурии Исломии Эрон, шаҳри Теҳрон, ки “Нафт Алвасат” бозиҳои хонагии худро мегузаронад, сафар кард. Танҳо муҳофизатгари “Истиқлол” Сиёвуш Асроров бо сабаби лат бардоштан дар ин бозӣ ширкат намекунад.
Вохӯрӣ дар варзишгоҳи Поси Теҳрон рӯзи 15 март дар соати 16:30-и вақти Душанбе оғоз мегардад.
Ёдрас мешавем, ки дар гурӯҳи “Б” “Истиқлол” ду бозӣ гузаронида, бо як имтиёз дар мақоми 4-ум аст. Дастаи “Алфайсалӣ” соҳиби 4 имтиёз, “Нафт Алвасат” ва “Тараблус” 3 холӣ доранд.
Бозии байни дастаҳои “Нафт Алвасат” ва “Истиқлол”-ро довар Сухбир Синх бо ҳамроҳонаш Арун Пираи ва Асит Саркор аз Ҳиндустон ҳакамӣ мекунанд.