Муаррифии «Адабиёт ва санъат» дар Минск
Душанбе, 16.03.2016. (АМИТ «Ховар»).- 14 марти соли равон дар Хонаи матбуоти «Звязда»-и ҷумҳурии Беларус маросими муаррифии шумораи махсуси ҳафтаномаи «Адабиёт ва санъат», ки ба адабиёт ва фарҳанги ин кишвар бахшида шуда буд, доир гардид.
Директори Хонаи матбуоти «Звязда» Александр Карлюкевич зимни суханронии ифтитоҳӣ пешниҳод намуд, ки минбаъд дар мавриди чопи китобҳо дар бораи Тоҷикистону Беларус ва китобҳо барои кӯдакон лоиҳаҳои нав бояд амалӣ шаванд.
Зимни муаррифӣ котиби масъули рӯзномаи «Полимя» Юлия Алейченко иттилоъ дод, ки дар шумораҳои наздики нашрияи мазкур мусоҳиба бо адибони ҷавони тоҷик ба нашр мерасад. Номбурда ҳамчунин шеъри яке аз шоирони тоҷикро, ки худ тарҷима кардааст, қироат намуд.
Сафири Тоҷикистон дар ҷумҳурии Беларус Қозидавлат Қоимдодов зимни суханронӣ зикр кард, ки робитаҳои фарҳангӣ омили муҳими истеҳком ва густариши муносибати байни давлатҳо мебошанд.
Дар ин хусус аз сафорати Ҷумҳурии Тоҷикистон дар Беларус хабар доданд.
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
