Неруҳои Сурия мавқеъҳои террористонро дар даромадгоҳи Палмира нобуд карданд

Душанбе, 18.03.2016. (АМИТ «Ховар»). Ҷанговарони артиши Сурия рӯзи панҷшанбе террористони «Давлати исломӣ»-ро аз ду минтақаи кӯҳӣ дар даромадгоҳи Палмира зада берун карданд.
Бино ба иттилои агентии иттилотии САНА, мавқеи дастаи ДИ дар баландиҳои Эл-Хаёл ва Эт-Тар нобуд карда шуд. Неруҳои ҳарбӣ душманро дар дараҳои Водии Заккара ва Эл-Баёрат, ки он ҷо дар натиҷаи зарбаҳои ҳавоӣ ҷангиён талафоти зиёди ҷонию техникӣ диданд, пайгирӣ мекунанд.
Ҳамчунин неруҳои ҳукуматӣ истгоҳи газтақсимкунӣ ва бинои донишкадаи технологиро дар Дейр-аз-Зор озод кардаанд.
Дар Ханосир террорист Ҳасан Аббуд, ки амири ДИ дар Сурияи марказӣ маҳсуб мешуд, маҳв гардид.