Озмуни «Сайри гули лола» ҷамъбаст гардид

Душанбе, 18.03.2016 (АМИТ «Ховар»).- Дар шаҳри Қурғонтеппа дар арафаи истиқболи иди байналмилалии Наврӯз озмуни «Сайри гули лола» ҷамъбаст гардид. Дар озмун муассисаву корхонаҳо ва маҳаллаҳои шаҳр фаъолона иштирок намуда, тибқи анъана пеш аз Наврӯз корҳоро аз тоза намудани кӯчаю гулгаштҳо, хонаву ҳавлӣ оғоз намуда, эҳёи табиатро бо шинонидани ниҳол, гулу гулбутта, корҳои ободкорӣ пешвоз гирифтанд. Байни иштирокдорони озмун ҷойҳои ифтихорӣ насиби ташкилоти ибтидоии ҳизбии «Боғбунёд», «Роҳнамо» ва маҳаллаи Гулистон гардиданд.