Роҳандозии «Таҳсилоти фосилавӣ» дар Хуҷанд
Хуҷанд, 03.03.2016 (АМИТ «Ховар»).- Дар Донишкадаи политехники Донишгоҳи техникии Тоҷикистон ба номи академик М.С.Осимӣ дар шаҳри Хуҷанд семинари илмӣ- амалии ҷумҳуриявӣ дар мавзӯи «Таҳсилоти фосилавӣ» доир гардид. Дар семинар роҳбарони муассисаҳои таҳсилоти олии касбии вилоят ва устодони донишгоҳҳо ширкат доштанд. Як ҷанбаи фарқкунандаи семинар он буд, ки бо дастгирии ширкати мобилии Тселл ҷомеаи меҳнатии Донишгоҳи техникии Тоҷикистон, Донишгоҳи давлатии шаҳри Кӯлоб ва Донишкадаи энергетикии шаҳри Қурғонтеппа тавонистанд бевосита дар муассисаҳои худ истода, аз тариқи интернет ба таври мустақим ба кори семинар пайваст шаванд. Дар чорабинӣ сарвари донишкада, номзади илмҳои техникӣ Дилафрӯз Сангинова зикр кард, ки баланд бардоштани сифати таълим, ворид намудани технологияи наву замонавӣ ва истифодаи самараноки он дар машғулиятҳо, ҷустуҷӯи роҳҳои нави ҷалби ҷавонон ба таҳсил аз ҳадафҳои асосии давлат ва ҳукумати кишвар мебошад.
Рустам Мирсаидов, коршиноси департаменти алоқа ва идораи бренди ширкати мобилии Тселл дар вилояти Суғд аз ҳамкории ширкат бо Донишкадаи политехникӣ ёдовар шуда, афзуд, ки шурӯъ аз соли 2016 интернет-провайдери донишкада ба ширкати мобилии Тселл гузашт.
Ҳамзамон Илҳом Амонов, ноиби ректор оид ба илм ва робитаҳои хориҷӣ дар Донишгоҳи техникии Тоҷикистон, Ҷайлоев З.М., сардори департаменти таълими Донишкадаи энергетикии Тоҷикистон дар шаҳри Қурғонтеппа ва Абдулло Ҳабибулло, ректори Донишгоҳи давлатии Кӯлоб ба номи Абӯабдулло Рӯдакӣ аз дастгириву ғамхориҳои давлат ва Ҳукумати Ҷумҳурии Тоҷикистон нисбат ба маориф сухан ронда, баргузории семинарро дар мавзӯи «Таҳсилоти фосилавӣ» айни муддао донистанд ва зикр намуданд, ки таҷрибаи Донишкадаи политехникии шаҳри Хуҷанд шоистаи омӯзиш мебошад.
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
МАСЛИҲАТИ МУТАХАССИС. Бодиринг аз витаминҳои C ва K, минералҳои калий, магний ва антиоксидантҳо бой мебошад
Имрӯз дар баъзе ноҳияҳои Тоҷикистон борони кӯтоҳмуддат дар назар аст
