Ҳусну таровати нави Хуҷанд аз лолаҳои баҳорӣ

Хуҷанд. 23.03.2016. (АМИТ “Ховар”). Дар рӯзҳои таҷлили Наврӯзи хуҷастапай кӯчаву хиёбон ва мавзеъҳои истироҳатии шаҳри Хуҷанд ба худ ҳусни навро касб кардааст.
Зеро беш аз 1 миллион гулҳои лолаи “ҳолландӣ” ва ду миллион гулҳои ороишии навъи «Марҷонгул», 6 намуд гули навъи «Петуня», «Катарантус», «Вербена», «Галларгия», «Гамфренум», «Тагетис» «Бархотси кремлевский» «Бархотси московский», «Газания», «Мехчагули хурд», «Гули тоҷ», «Синерария» «Лакфеола» пас аз шукуфтан ба шаҳри соҳили рӯди Сир ҳусну таровати хоссае бахшидаанд. Ин миқдор лолаву гулҳои рангоранг тибқи дастури шаҳрдории Хуҷанд дар фасли тирамоҳу зимистон аз ҷониби кормандони ободонӣ дар кӯчаҳои асосии, хиебону ҷойҳои истироҳатии шаҳр шинонида шуда буданд.