Баргузории 1129 маъракаю маросимҳои мардумӣ дар Панҷакент

Панҷакент, 23.04.2016 /АМИТ «Ховар»/. Дар семоҳаи аввали соли равон дар шаҳру деҳоти Панҷакент 1129 маъракаю маросимҳои мардумӣ баргузор шудаанд.
Аз ҷумла, 124 хатнасур, 670 тӯйи домодию арӯсӣ, 179 маросими чил ва 156 маъракаи сол баргузор шуда, барои доир намудани ин миқдор маъракаҳо 4 615 064 сомонӣ маблағ масраф гардидааст, ки ба ҳисоби миёна ба ҳар маърака 4088 сомонӣ рост меояд.
Аз ҷониби комиссияҳои танзими анъана ва ҷашну маросимҳои миллии мақомоти иҷроияи  ҳокимияти давлатии шаҳри Панҷакент ба муроҷиаткунандагон пайваста оид ба баргузории маъракаҳо, мафҳуму моҳияти Қонуни Ҷумҳурии Тоҷикистон «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» фаҳмонида мешаванд.
Ҳамчунин дар ин муддат  ҳангоми гузаронидани санҷишҳои назоратӣ баргузории маърака ва маросимҳо 6 ҳолати қонуншиканӣ ошкор шуда, нисбат ба вайронкунандагони қонун санади вайронкунии ҳуқуқи  маъмурӣ тартиб дода шуд.