Дар солим нигоҳ доштани оила ва наздикон бетараф набошед

Душанбе, 7.04.2016 /АМИТ «Ховар»/. Раиси Кумитаи кор бо занон ва оилаи назди Ҳукумати Ҷумҳурии Тоҷикистон барои аз наздик огоҳ шудан аз худкушии Мафтуна Раҳимова бо тифли шашмоҳааш, ки 2 апрел ба амал омад, ба ноҳияи Файзобод ва шаҳри Ваҳдат сафар намуд.
Идигул Қосимзода бо намояндагони мақомоти иҷроияи ҳокимияти давлатӣ, хонаводаи Мафтуна Раҳимова ва аҳолии ин маҳаллаҳо вохӯрӣ гузаронид.
Номбурда ба сокинон муроҷиат намуда иброз дошт, ки барои арҷ гузоштан ба суннату анъанаҳои аҷдодӣ, эҳтироми ҳамдигарӣ, муҳаббати самимӣ доштан ба аъзои хонавода ва мустаҳкаму солим нигоҳ доштани оилаҳои худ ва хешовандон бетараф набошанд.
Ёдовар мешавем, ки 2 апрел истиқоматкунандаи деҳаи Файзободи кўҳнаи ноҳияи Файзобод Мафтуна Раҳимова худ ва кӯдаки шашмоҳаашро ба дарёи Кофарниҳон ғарқ намуд.
Ин зан аз сабаби ҷанҷоли оилавӣ ба хонаи падараш ба шаҳри Ваҳдат кўчаи Бинокорон №-44 омада, худро бо писарчаи шашмоҳааш ба дарё партофтааст.