Истифодаи ғайриқонунии меҳнати шаҳрвандон
Қурғонтеппа, 29.04.2016. /АМИТ «Ховар/. Аз тарафи мутахассисони Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Хатлон вобаста ба истифодаи ғайриқонунии меҳнати шаҳрвандон дар нуқтаҳои фурӯши сӯзишворӣ, марказҳои савдо, тарабхона ва ошхонаҳои ноҳияи Шаҳритус санҷиш гузаронида шуд.
Тавре ба АМИТ «Ховар» Ҳамза Бобоев, муовини сардори Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Хатлон иттилоъ дод, дар натиҷаи санҷиш маълум гардид, ки дар нуқтаи савдои Шаҳром, ошхонаи ба номи «Бобои Расул», ошхонаи миллӣ, роҳбараш Алишер Ҳаитов, нуқтаи савдои «Нисо», роҳбараш Меҳринисо Уроқова ва нуқтаи шустушӯи мошинҳои ноҳияи Шаҳритус Нурматов аз ду то сенафарӣ бе назардошти пешниҳоди ариза, шартномаи меҳнатӣ ва фармон фаъолият дошта, як қисмашон дафтарчаи меҳнатӣ надоранд.
Аз тарафи комиссияи муштарак бо ҳар яки онҳо суҳбат гузаронида шуда, таъкид гардид, ки тибқи қонунгузории Ҷумҳурии Тоҷикистон шумораи кормандон бояд расман ба қайд гирифта шуда, андози иҷтимоӣ ба давлат супорида шавад. Мақсад аз санҷиш -ин ҳимояи ҳуқуқу манфиятҳои кормандон мебошад.
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
