КМИР: баррасии раванди ҳалли масъалаҳои муҳими давраи омодагӣ ба баргузории раъйпурсии умумихалқӣ

Апрель 21, 2016 13:33

Душанбе, 21.04.2016. /АМИТ «Ховар»/. Имрӯз таҳти роҳбарии раиси Комиссияи марказии интихобот ва раъйпурсии Ҷумҳурии Тоҷикистон Худоёрзода Бахтиёр Тавар ҷаласаи навбатии Комиссия баргузор гардид. Дар ҷаласаи Комиссияи марказии интихобот ва раъйпурсӣ раванди ҳалли масъалаҳои муҳими давраи омодагӣ ба баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон баррасӣ гардид.
Бо мақсади таъмини шаффофият ва мушоҳидаи ошкоро дар давраи омодагӣ ва баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон тавассути Вазорати корҳои хориҷии Ҷумҳурии Тоҷикистон ба як қатор созмонҳои байналмилалӣ барои иштироки мушоҳидон даъватнома фиристода шуда буд.
Бинобар ин мувофиқи моддаҳои 6 ва 17 Қонуни конститутсионии Ҷумҳурии Тоҷикистон «Дар бораи раъйпурсии Ҷумҳурии Тоҷикистон» Комиссияи марказии интихобот ва раъйпурсӣ дар бораи аккредитатсияи мушоҳидони байналмилалӣ аз Иттиҳоди Давлатҳои Мустақил ва Ассамблеяи байнипарлумонии Иттиҳоди Давлатҳои Мустақил дар давраи гузаронидани раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон қарор қабул намуд.
Аз рӯи он 6 намоянда бо роҳбарии муовини аввали раиси Кумитаи иҷроияи Иттиҳоди Давлатҳои Мустақил Владимир Гаркун ва 18 намоянда бо роҳбарии Котиби генералии Ассамблеяи байнипарлумонии Иттиҳоди Давлатҳои Мустақил Алексей Сергеев ба ҳайси мушоҳидони байналмилалӣ дар Комиссияи марказии интихобот ва раъйпурсӣ бо тартиби пешниҳодгардида аккредитатсия карда шуда, ба онҳо шаҳодатномаи мушоҳиди байналмилалӣ супорида мешавад.
Инчунин Комиссияи марказии интихобот ва раъйпурсӣ барои фароҳам овардани шароити мусоид бо мақсади иштироки ҳарчи бештари шаҳрвандон дар раъйпурсии умумихалқӣ, риояи қонунгузории амалкунанда ва бо назардошти таклифу пешниҳодҳои иштирокдорони семинарҳои омӯзишӣ ба номгӯи ҳуҷҷатҳои тасдиқкунандаи шахсият, ки барои гирифтани бюллетени овоздиҳӣ ҳуқуқ медиҳанд, ба ғайр аз шиноснома, корти идентификатсионӣ, билети ҳарбӣ, шаҳодатномаи ронандагӣ, шаҳодатномаи хизматӣ, билети донишҷӯӣ ва дафтарчаи имтиҳоноти донишҷӯ, ҳамчунин дафтарчаи нафақа, шаҳодатномаҳои иштирокчии Ҷанги Бузургӣ Ватанӣ ва собиқадори меҳнат (шахсони ба онҳо баробаркардашуда) ва шаҳодатномаи маъюбиро дохил кард. Ҳамин тариқ, номгӯи ҳуҷҷатҳои тасдиқкунандаи шахсият, ки ба шаҳрвандон барои гирифтани бюллетени овоздиҳӣ ҳуқуқ медиҳанд, ба 9 адад расонда шуд.

Апрель 21, 2016 13:33

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад