Маҷмӯи маҳсулоти минтақавӣ- наздик ба ду миллиард сомонӣ

Душанбе, 26.04.2016 /АМИТ «Ховар»/. Дар семоҳаи якуми соли равон маҷмӯи маҳсулоти минтақавӣ дар вилояти Хатлон ба 1 миллиарду 979 миллион сомонӣ расид, ки дар муқоиса бо ҳамин давраи соли гузашта 283 миллион сомонӣ зиёд аст.
Дар ин давра иҷрои нақшаи қисми даромади буҷети маҳаллӣ 113 фоиз таъмин шуда, ба буҷет 192 миллион сомонӣ ворид гардид, ки нисбат ба нақшаи пешбинишуда 21,6 миллион сомонӣ ва дар қиёс бо ҳамин давраи соли 2015-ум 56,4 миллион сомонӣ зиёд мебошад.