“Марсел“-и Фаронсаро мефурӯшанд
![](https://khovar.tj/wp-content/uploads/2016/04/Marselro_mefur_shand.jpg)
Душанбе, 14.04.2016 /АМИТ «Ховар»/. Маргарита Луи-Дрейфуси рустабор дар бораи ба фурӯш гузоштани клуби футболи “Марсел”, ки ба ӯ тааллуқ дорад, иттилоъ додааст. Ин хабар дар ҳоле пайдо шудааст, ки мухлисони ин клуби машҳур дар бозиҳои дастаи “Марсел” бо навиштаҷоти “хонашиниро пеша кунед” ба ин бонуи 53-сола муроҷиат кардаанд.
Люк Лабо, директори генералии клуби “Марсел” хабар медиҳад, ки барои ба фурӯш гузоштани ин даста ҳамаи ҳуҷҷатҳо омода шудаанд ва ин иттилоъ барои мухлисони “Марсел” беҳтарин армуғон аст.