Ҳ.Мирзоев: дар раъйпурсӣ овози ҳар яки мо ҳалкунанда аст

Душанбе, 26.04.2016./АМИТ«Ховар»/. Дар шаҳри Хуҷанд бо ташаббуси  Ташкилоти ҷамъиятии «Маъюбони ҷанги Афғонистон — и вилояти Суғд ҷамъомад  дар мавзӯи аҳамияту нуктаҳои муҳими тағйиру иловаҳо ба Конститутсияи кишвар барпо гардид. Раиси ташкилоти мазкур А. Қаҳҳоров  иштирокдорони вохӯриро  ба   зоҳир намудани фаъолнокӣ  дар маъракаи  муҳими давлатӣ —  раъйпурсии умумихалқӣ,  ки 22 майи соли 2016 барпо мегардад,  даъват карда, зикр намуд, ки    бо ин амал ҳар яки мо  метавонем дар  рушду ташаккули самтҳои мухталифи ҳаёти мамлакат  саҳм гузорем.
Дар вохӯрӣ Ҳикматулло Мирзоев, раиси Ташкилоти ҷамъиятии     «Маъюбони ҷанг дар Афғонистон» -и ҷумҳурӣ   изҳор дошт, ки  барои  иштирок дар маъракаи муҳими сиёсии Ватан — раъйпурсии умумихалқӣ бетараф набошем, зеро  овози ҳар яки мо ҳалкунанда буда, барои  ободии Ватани маҳбубамон — Тоҷикистон  ва осудагиву  хушбахтии худ овоз медиҳем.
Дигар аъзои ташкилоти ҷамъиятии  «Маъюбони ҷанг дар Афғонистон»  аз рӯзҳои    даҳшатбори   ҷанги Афғонистон  ёдовар шуда, иштирокдорони вохӯриро  барои шукргузорӣ ва  расидан  ба қадри  ободиву озодии Ватан  ҳидоят  намуданд.