Нақши Истиқлолияти давлатӣ дар ташаккули забони давлатӣ

Душанбе, 29.04.2016/АМИТ «Ховар»/. Нақши Истиқлолияти давлатӣ ва Ваҳдати миллӣ дар рушди забони тоҷикӣ дар суҳбати «мизи мудаввар», ки имрӯз дар Донишкадаи  идоракунии давлатии назди Президенти Ҷумҳурии Тоҷикистон доир гардид, матраҳ шуд.
Иштирокдорони он дар мавзуҳои  Ваҳдати миллӣ ва рушди забони илм, Масъалаҳои рушди забон аз нигоҳи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон,Бозтоби маъноии вожаи ваҳдат дар шеъри тоҷикӣ- форсӣ ва Нақши забон дар таҳкими ваҳдати маънавии ҷавонон сухан  карда, мақоми Истиқлолияти давлатӣ ва Ваҳдати миллиро дар ташаккули забони  давлатӣ муҳим арзёбӣ карданд.
Маҳфил  ба ифтихори санаи барои миллати тоҷик таърихӣ-ҷашни  25-солагии Истиқлолияти давлатии Ҷумҳурии Тоҷикистон созмон дода шуда, он дар руҳияи баланди худшиносӣ, ифтихор аз ватану ватандорӣ ва эҳтиром ба муқаддасоти миллӣ -Истиқлолияти давлатӣ, Ваҳдати миллӣ ва забони давлатӣ гузаронида шуд.