Обама: Британияи Кабир ва ИМА дар мубориза бо ДИ бояд қатъӣ бошанд

Душанбе, 22.04.2016 / АМИТ «Ховар» /. Британияи Кабир ва ИМА дар мубориза бо гурӯҳи террористии ба ном «Давлати исломӣ» бояд қатъӣ ва дар ҳалли низоъҳои Шарқи Наздик саҳмгузор бошанд. Дар ин бора президенти ИМА дар мақолаи худ, ки рӯзи панҷшанбе дар рӯзномаи «Daily Telegraph» нашр гардид, навиштааст.
«Мо бояд дар кӯшишҳои худ барои пешгирии амалҳои террористӣ бар зидди мардумамон қатъӣ ва мутобиқ бошем ва барои рафъи таҳдидҳои ДИ ва пурра нест кардани он муваффақиятҳоямонро вусъат диҳем. Мо бояд дар ҳалли низоъҳои Шарқи Наздик — аз Яман то Сурия ва Либия саҳмгузор бошем, чунки дурнамои баланд бардоштани субот ба он вобаста аст. Мо бояд минбаъд низ сармоягузориро ба НАТО идома диҳем, то ки уҳдадориҳои байналмилалии худро аз Афғонистон ба баҳри Эгей иҷро намоем».-навиштааст ӯ.