Теъдоди қурбониёни ҳамла дар Кобул ба 64 нафар расид

Душанбе, 21.04.2016 /АМИТ «Ховар»/. Теъдоди қурбониёни ҳамлаи «Толибон» дар шаҳри Кобули Афғонистон ба 64 нафар расид. Дар ин бора намояндаи расмии Вазорати корҳои дохилии Ҷумҳурии Исломии Афғонистон Сиддиқ Сиддиқӣ хабар дод.
Ёдовар мешавем, чанд рӯз қабл террористи худкуш, ки бо мошини боркаш ҳаракат дошт, худро дар назди яке аз воҳидҳои Раёсати амнияти миллии Афғонистон инфиҷор кард. Пас аз ин, миёни иштирокдорони дигари ҳамла бо кормандони мақомоти ҳифзи ҳуқуқ тирпарронӣ сурат гирифт. Ин ҳамла боиси талафоти зиёд гардид.
Дар баробари 64 қурбонӣ 347 тани дигар ҷароҳати гуногуни ҷисмонӣ бардоштанд.
Бино ба маълумоти мақомоти маҳаллӣ, аксарияти қурбоиёнро сокинони осоишта ташкил медиҳанд.