Ҳунармандони Ҳиндустон ба Тоҷикистон меоянд
Душанбе, 14.04.2016/АМИТ «Ховар»/. 20 апрел дар Душанбе- пойтахти Тоҷикистон Рӯзҳои фарҳанги Ҳиндустон оғоз мегарданд. Дар ин росто 19 апрел ҳайати 40- нафараи ҳунармандони Ҳинд бо мақсади иштирок дар баргузории ин чорабинии фарҳангӣ озими Душанбе мегардад. Театри давлатии академии опера ва балети ба номи устод Садриддин Айнӣ макони ифтитоҳи Рӯзҳои фарҳанги Ҳиндустон буда, дар ин ҷо шоми 20 апрел бо ҳузури роҳбарияти вазоратҳои фарҳанги ҳар ду кишвар ва ҳайати фарҳангиёни ҳиндӣ дар маросими ботантана Рӯзҳои фарҳанги Ҳиндустон оғоз мегардад.
Дар доираи баргузории Рӯзҳои фарҳанги Ҳиндустон дар Тоҷикистон ҳунармандону ромишгарони ҳиндӣ аз марказҳои фарҳангии кишвари мо, назири Осорхонаи бостоншиносии Тоҷикистон, Китобхонаи миллии Тоҷикистон боздид намуда, бо фарҳангу тамаддуни тоҷикон шинос мегарданд. Инчунин ҳайати фарҳангиёни Ҳиндустон ба шаҳрҳои бостонӣ ва сайёҳии Ҳисор ва Норак ташриф оварда, Қалъаи Ҳисор ва Неругоҳи барқи обии Норакро тамошо намуда, аз расми меҳмонпазирии тоҷикона бархурдор мегарданд. Ҳамзамон ҳайати ҳунармандони ҳиндӣ дар Варзишгоҳи марказӣ ё Қасри фарҳанги шаҳрҳои Ҳисор ва Норак /вобаста ба вазъи ҳаво/ барномаи ҷолиби консертиро пешкаши дӯстдорону мухлисони созу наво ва рақсу сурудҳои ҳиндӣ мегардонанд.
Ҳайати ҳунармандони Ҳиндустон ба Консерваторияи миллии Тоҷикистон ба номи Т. Сатторов ва Донишкадаи давлатии фарҳанг ва санъати ба номи устод Мирзо Турсунзода ташриф оварда, бо барномаи консертӣ табъи устодону донишҷӯёни ин ду даргоҳи маърифатро болида хоҳанд кард.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
