Усулҳои ҷолиби таълим- тақозои замон

Хоруғ, 26.04.2016 /АМИТ «Ховар»/. Мақомоти иҷроияи ҳокимияти давлатии шаҳри Хоруғ дар ҳамкорӣ бо Муассисаи ҳамкории байналмилалии анҷумани таълимии калонсолони Олмон дар Тоҷикистон барои омӯзгорон ва мураббиёни Маркази таълими калонсолони вилоят се рӯз боз  дар мавзӯи «Усулҳои интерактивии таълим» давраи омӯзишӣ баргузор намуд.
Ба  қавли роҳбари Муассисаи ҳамкории байналмилалии анҷумани таълими калонсолони Олмон дар Тоҷикистон Зарина Холиқова,  мақсад аз баргузории  даври омӯзишӣ такмил додани маҳорати муаллимон дар ҷараёни таълим ва таҳияи дарсҳои таълимӣ мебошад. Муаллимон бо мафҳуми равандҳои гурӯҳӣ ва идоракунии онҳо, қоидаҳои таъмини мубодилаи афкор, маҳоратҳои коммуникативии тренерон, тарзи ироаи  савол, ҳавасмандкунии тренерон машғул мебошанд. Дар шароти муосир нақши технологияи иттилоотӣ ва коммуникатсионӣ хеле муҳим аст. Агар муаллим ва ё тренер аз шеваи истифодабарии ин технология огоҳии хуб надошта бошад, дар кораш муваффақ шуда наметавонад. Хонанда  ё шунавандаи имрӯза баъди ҳар як дақиқа ин ё он иттилоъ ба даст меорад, аммо на ҳамаи онҳо дар рӯзгор ё фаъолияташон аз он дуруст истифода бурда наметавонанд.
Вазифаи мо ин аст, ки дар ҳамкорӣ бо Раёсати шуғли аҳолии шаҳру навоҳии кишвар онҳоро ба як роҳи ҳадафманд равона созем, то имкон пайдо намоянд аз чунин иттилоот манфиате барои худ ва ҷомеа ба даст оранд.