Ёдовард аз хизмати бузурги устод Айнӣ дар рушди забони тоҷикӣ
![](https://khovar.tj/wp-content/uploads/2016/04/Sadriddin-Ayni.jpg)
Душанбе, 05.04.2016./АМИТ «Ховар»/. Кафедраи услубшиносӣ ва таҳрири адабии факултаи журналистикаи Донишгоҳи миллии Тоҷикистон тасмим гирифтааст, ки ба муносибати зодрӯзи асосгузори адабиёти навини тоҷик устод Садриддин Айнӣ 15 ва 16 апрели соли равон дар Душанбе конфронси ҷумҳуриявии илмию амалиро таҳти унвони «Устод Айнӣ ва асолати забони тоҷикӣ» баргузор намояд.
Интизор меравад, ки дар конфронс масоили марбут ба забоншиносӣ, саҳми устод Айнӣ ва осори ӯ дар рушду такомули забони адабии тоҷикӣ ва инкишофи услуби публитсистӣ, масъалаҳои забони матбуоти даврӣ ва воситаҳои электронии ахбори омма, аз ҷумла радио, телевизион ва интернет, инчунин тарҷумаи маводи матбуоти даврӣ матраҳ гардад.