Ҳайати мушоҳидони ИДМ ба мушоҳидаи раъйпурсӣ дар Тоҷикистон шурӯъ кард
Душанбе, 12.05.2016 /АМИТ «Ховар»/. Бо даъвати Ҷумҳурии Тоҷикистон Ҳайати мушоҳидони ИДМ ва ситоди он рӯзи 8 май ба мушоҳидаи (мониторинги) раъйпурсӣ оид ба ворид намудани тағйиру иловаҳо ба Конститутсияи Ҷумҳурии Тоҷикистон шурӯъ кард. Дар ин бора аз ситоди Ҳайати мушоҳидони ИДМ хабар доданд.
Намояндагони Ҳайати мушоҳидони ИДМ ба Комиссияи марказии интихобот ва раъйпурсии Ҷумҳурии Тоҷикистон ташриф оварда, доир ба ҷараёни омодагиҳо ба раъйпурсии умумихалқӣ маълумоти муфассал гирифтанд.
Дар навбати худ, аъзои ҳайат дар бораи тартиб ва усулҳои кори худ маълумот дода, иттилоъ доданд, ки Шӯрои намояндагони доимии ваколатдори кишварҳои иштирокдори ИДМ номзадии муовини аввали раиси Кумитаи иҷроия — Котиби иҷроияи ИДМ Владимир Гаркунро ба сифати роҳбари Ҳайати мушоҳидони ИДМ мувофиқа кард. Ҳамчунин таъкид гардид, ки Ҳайат мушоҳидаро дар доираи қонунгузории миллӣ, бе дахолат ба корҳои дохилии давлат ба роҳ мемонад.
То 8 май барои бақайдгирии (аккредитатсияи) 100 мушоҳиди ИДМ ҳуҷҷат супорида шудааст. Ба ҳайати Ҳайати мушоҳидони ИДМ намояндагони Ҷумҳурии Озарбойҷон, Ҷумҳурии Арманистон, Ҷумҳурии Қазоқистон, Ҷумҳурии Қирғизистон, Федератсияи Русия, Туркманистон, Ҷумҳурии Узбекистон, Ассамблеяи байнипарлумонии ИДМ, Маҷлиси парлумонии Беларусу Русия ва Кумитаи иҷроияи ИДМ шомил мебошанд.
Ситоди Ҳайати мушоҳидони ИДМ оид ба фаъолияти худ мунтазам иттилоъ медиҳад.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
