Ҷараёни раъйпурсии умумихалқӣ оид ба ворид кардани тағйиру иловаҳо ба Конститутсияи Тоҷикистон дар Беларус
Душанбе, 22.05.2016 /АМИТ «Ховар»/. Имрӯз участкаи раъйпурсии №45 аз ҳавзаи раъйпурсии Шоҳмансур №3 оид ба ворид кардани тағйиру иловаҳо ба Конститутсияи (Сарқонуни) Ҷумҳурии Тоҷикистон, ки дар бинои Сафорати Ҷумҳурии Тоҷикистон дар Ҷумҳурии Беларус ҷойгир аст, аз саҳар серодам буда, он ҷо руҳияи идона тантана дорад.
Аз Сафорати Ҷумҳурии Тоҷикистон дар Ҷумҳурии Беларус ба АМИТ «Ховар» хабар доданд, ки комиссияи участкавӣ таҳти роҳбарии Сафир Қозидавлат Қоимдодов ҷиҳати омодагӣ ва гузаронидани раъйпурсии умумихалқӣ дар сатҳи баланд корҳои зиёдро ба иҷро расонид. Ба ин мақсад нақшаи кории комиссия ва дигар чорабиниҳои ташкилӣ омода гардиданд.
Тавре раиси комиссияи участкавӣ Қ.Қоимдодов қайд кард, шурӯъ аз моҳи феврал бо донишҷӯёни тоҷикистонӣ дар шаҳрҳои Минск, Витебск ва Гомел, шаҳрвандони Тоҷикистон, ки дар Беларус сукунат доранд, вохӯриҳо доир гардиданд, байни онҳо роҷеъ ба гузаронидани раъйпурсӣ корҳои фаҳмондадиҳӣ анҷом гирифтанд, ба ин хотир воситаҳои ахбори оммаи кишвари иқомат фаъолона истифода шуданд. Ҳамчунин барои ҳар овоздиҳанда хабарномаи фардӣ омода гардида, сари вақт ба онҳо ирсол гардид.
Ғайр аз ин, саривақт роҷеъ ба рӯзу соат ва ҷайи баргузории раъйрусӣ дар рӯзномаи ҷумҳуриявии “Республики” ва сомонаи Сафират эълон нашр шуда буд.
Ба мақсади мушоҳидаи рафти раъйдиҳӣ намояндагони Ассамблеяи Байнипарлумонии ИДМ ва Кумитаи иҷроияи ИДМ ба ҳайси нозирони байналмилалӣ дар участкаи раъйпурсӣ ҳузур доштанд.
Аввалин шуда барои овоздиҳӣ раиси Иттиҳодияи ҷамъиятии байналмилалии тоҷикон “Сомониён” Ҷумъабой Бобоҷонов ва муовини раиси Шӯрои донишҷӯёни тоҷикистонӣ, аспиранти Донишгоҳи давлатии Беларус Абдунасим Раҷабов ба участкаи интихоботӣ ҳозир шуданд.
Қобили зикр аст, ки аз миёни овоздиҳандагон чор нафар имсол ба синни 18-солагӣ расидаанд ва ба онҳо аз ҷониби комиссияи участкавӣ туҳфаҳои хотиравӣ супорида шуд.
Шоёни қайд аст, ки раъйпурсии умумихалқӣ муташаккилона ва бо иштироки фаъолонаи овоздиҳандагон сурат гирифт.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
