Дар ҷаласаи якҷояи мушовараи ВКД ҶТ ва ВКД ФР се масъала баррасӣ мешавад
Душанбе, 23.05.2016 /АМИТ «Ховар/. Имрӯз дар Душанбе ҷаласаи якҷояи мушовараи Вазорати корҳои дохилии Ҷумҳурии Тоҷикистон ва Вазорати корҳои дохилии Федератсияи Русия ба кори худ оғоз намуд.
Вазири корҳои дохилии Тоҷикистон Рамазон Раҳимзода зимни сухани ифтитоҳӣ зикр кард, ки ҷаласаи мушовараи якҷояи Вазорати корҳои дохилии Ҷумҳурии Тоҷикистон ва Вазорати корҳои дохилии Федератсияи Русия дар арафаи ҷашни 25-солагии Истиқлолияти ҶТ баргузор мегардад.
Дар назар дошта шудааст, ки зимни ҷаласаи мушовараи якҷояи ВКД ҶТ ва ВКД ФР масъалаҳои ошкор намудан ва тафтиши ҷиноятҳои махсусан вазнин; тақвият додани мубориза бар зидди терроризм ва экстремизм; баррасӣ ва тасдиқ намудани нақшаи корӣ барои соли 2017 баррасӣ мешаванд.
Дар ҷаласа зикр карда шуд, ки дар натиҷаи ҳамкории ду вазорат 29 нафар ҷинояткор, ки аз тарафи ВКД Тоҷикистон дар ҷустуҷӯ қарор доштанд, аз тарафи ВКД ФР дар қаламрави Русия ва 19 нафар ҷинояткороне, ки ВКД ФР онҳоро дар кофтуков эълон карда буд, аз тарафи ВКД Тоҷикистон дастгир шуданд.
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад
