Дар шаҳри Ваҳдат ба ифтихори ҷашни истиқлол маҳфили фарҳангӣ доир гардид

Ваҳдат, 30.05.2016 /АМИТ «Ховар»/. Ба ифтихори рӯзи Ваҳдати миллӣ ва 25-солагии Истиқлолияти давлатии Ҷумҳурии Тоҷикистон дар қасри фарҳанги шаҳри Ваҳдат бо ибтикори Мактаби мусиқии бачагона ва Мактаби рассомии шаҳр ва бо иштироки меҳмонон ва ҷавонону фаъолон маҳфили фарҳангӣ доир гардид. Дар маҳфил маҳсули эҷодиёти ханандагони навраси Мактаби рассомӣ ба намоиш гузашта шуда, хонандагони Мактаби мусиқии бачагона бо асбобҳои миллӣ, зарбӣ, фортепиано ва асбобҳои нафасӣ дар мавзӯъҳои ваҳдат, Тоҷикистон ва Ватан  суруд хонданд.
Тибқи иттилои директори Мактаби мусиқӣ Фарҳод Саидов хонандагони муассисаи мазкур дар замони истиқлолият соҳиби 52 дипломи ҷумҳуриявӣ, 14 дипломҳои байналмилалӣ ва 15 сертификат гардидаанд ва соли 2011 дар фестивали ҷумҳуриявии кӯдакон ва наврасон бо номи «Сапеда», 17 нафар хонандагони муассиса ғолиб гардида, сазовори мукофотҳои Пешвои миллат муҳтарам Эмомалӣ Раҳмон гардиданд.