Дар Тоҷикистон ҳавои ноустувор то охири ҳафта боқӣ хоҳад монд

Душанбе, 11.05.16. /АМИТ «Ховар»/. Маркази ҳавосанҷии Тоҷикистон хабар медиҳад, ки то охири ҳафта дар миқёси ҷумҳурӣ ҳавои ноустувор боқӣ хоҳад монд. Ҷамила Байдуллоева, сардори Агентии обуҳавосанҷии Тоҷикистон гуфт, аз 12 то 15 май дар миқёси ҷумҳурӣ тағйирёбии вазъи обу ҳаво дар назар дошта шуда, боришоти борони кӯтоҳмуддати шадид эхтимол дорад.
Мувофиқи пешгўии ҳавошиносон ҳамчунин ба амал омадани раъду барқ ва боридани жола дар тамоми минтақаҳои ҷумҳурӣ дар назар аст.
Пагоҳ, 12 май дар шаҳри Душанбе ҳавои тағйирёбанда, борони кӯтоҳмуддат, дар баъзе ҷойҳо борони шиддатнок ва раъду барқ дар назар аст.
Ҳарорат  шабона +10+12, рӯзона +24+26 дараҷа мешавад.
Дар ноҳияҳои тобеи марказ — ҳавои тағйирёбанда, борони кӯтоҳмуддат ва раъду барқ дар назар дошта шудааст.
Ҳарорат дар водиҳо шабона +11+16 дараҷа, рӯзона +27+32, дар доманакӯҳҳо шабона +11+16 ва рӯзона +21+26 дараҷа мешавад.
Дар вилояти Суғд ҳавои тағйирёбанда, борони кӯтоҳмуддат ва раъду барқ шуда, ҳарорат дар водиҳо шабона +12+17, рӯзона +22+25 дараҷа, дар доманакӯҳҳо шабона +3+8, рӯзона +15+20 дараҷаро ташкил медиҳад.
Дар Вилояти Мухтори Кӯҳистони Бадахшон -ҳавои тағйирёбанда шуда, борони кӯтоҳмуддат, дар баъзе ҷойҳо борони шиддатнок меборад.
Ҳарорат дар ғарб шабона +5+10, рӯзона +15+20; дар шарқ шабона -1+4, рӯзона +8+13 дараҷаро ташкил медиҳад.
Дар вилояти Хатлон ҳавои тағйирёбанда шуда, борони кӯтоҳмуддат, дар баъзе ҷойҳо борони шиддатнок меборад.
Ҳарорат дар водиҳо шабона +15+20, рӯзона +28+33 дараҷа, дар доманакӯҳҳо шабона +14+19, рӯзона +23+28 дараҷаро ташкил медиҳад.