Ҷеброн Басил: баргардонидани гурезаҳои Сурия нуқтаи муҳими музокирот аст

Душанбе, 18.05.2016 / АМИТ «Ховар»/. Таъмини шароит барои бозгашти гурезаҳои  Сурия ба ватани худ бояд нуқтаи асосӣ дар тамоми  музокирот оид  ба ҳалли буҳрони Сурия бошад,- изҳор дошт  вазири умури хориҷии Лубнон Ҷеброн Басил баъд аз  мулоқоти  Гурӯҳи байналмилалии дастгирии Сурия (ГБДС) дар Вена. Дар ин бора РИА «Новости»  иттилоъ медиҳад.
Ӯ таъкид кард, ки ҳалли сиёсиро  танҳо дар сурате, ки масъалаи бозгашти гурезаҳои суриягӣ ба роҳ монда шавад, пайдо кардан мумкин аст, зеро «Сурия бидуни шаҳрвандони худ эҳё нахоҳад шуд. Сухан дар бораи 10 млн. шаҳрвандони Сурия меравад, ки хонаҳои худро тарк кардаанд».