Мусобиқаи гӯштини миллӣ дар ноҳияи Ванҷ ба вақти дигар гузаронида шуд

Душанбе, 13.05.2016. /АМИТ «Ховар»/. Тавре ки аз Вазорати корҳои дохилии ҶТ хабар доданд, бинобар сабаби ба амал омадани офатҳои табиӣ мусобиқаи ҷумҳуриявии варзишӣ оид ба гӯштини миллӣ дар ҷамоати деҳоти Язгуломи ноҳияи Ванҷ ба вақти дигар гузаронида мешавад.
Аз вақти баргузории мусобиқаи мазкур иловатан хабар хоҳем дод.
Ёдовар мешавем, ки бо ташаббуси Вазорати корҳои дохилии ҶТ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бояд рӯзи 14 майи соли равон бахшида ба Рӯзи ҷавонон ва раъйпурсии умумихалқӣ дар ҷамоати деҳоти Язгуломи ноҳияи Ванҷ мусобиқаи варзишӣ аз намуди гӯштини миллӣ баргузор мешуд.
Барои ғолиби мусобиқа Шоҳҷоиза — мошини сабукрави хориҷӣ пешбинӣ гардидааст.