«Саройкамар» «Помир»-ро шикаст дод

Душанбе, 12.05.2016 /АМИТ «Ховар»/. Дар даври чаҳоруми бозиҳои лигаи якуми Чемпионати мамлакат «Саройкамар» дар бозии марказӣ ҳарифи асосиаш- дастаи «Помир»-и Душанберо, ки ҳайаташро футболбозони мунтахаби то 14- солаи кишвар ташкил мекунанд, дар майдонаш бо натиҷаи 2:0 мағлуб кард. Ин аввалин бохти футболбозони наврас ва ғалабаи чоруми «Саройкамар» ба ҳисоб меравад.
Дар ин давр «Панҷшер»-и Румӣ бо нишондоди рекордии бозиҳои имсола 5:0 «Локомотив»-и Душанберо шикаст дод. Абдухалил Боронов муаллифи 4 гол гардид ва бо 5 тӯб дар якҷоягӣ бо Шаҳром Самиев аз дастаи «Помир» пешсафи нишонзанҳои лигаи якум мебошанд. Натиҷаи бозиҳои боқимонда чунин аст:
«Кӯктош» — «Ҳулбук» 4:0
«Чашма» — «Комунна» 1:1
«Зарафшон» — «Парвин» 1:1.
Дар ҷадвали мусобиқот дар се зинаи аввал «Саройкамар»(12), «Панҷшер»(10) ва «Помир» (7) ҷойгир шудаанд.