Семинар: «Дастовардҳои Ҷумҳурии Тоҷикистон дар даврони истиқлолияти давлатӣ»

Душанбе, 27.05.2016. /АМИТ «Ховар»/. Бахшида  ба 25-солагии Истиқлолияти давлатии Ҷумҳурии Тоҷикистон ва солгарди қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» таҳти унвони «Дастовардҳои Ҷумҳурии Тоҷикистон дар даврони истиқлолияти давлатӣ»  имрӯз, 27 май бо ташаббуси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд семинари ҷумҳуриявӣ ба кори худ оғоз намуд.
Дар кори семинар кормандони соҳа, мудирони шуъба ва бахшҳо оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии вилоятҳо ва шаҳру ноҳияҳои мамлакат иштирок доранд.
Дар семинар, ки то  28 май идома меёбад, дар назар аст раиси вилояти Суғд Абдураҳмон Қодирӣ, раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Сулаймон Давлатзода, мудири шуъбаи дин, танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон Одинашоҳ Вализода, раиси Маркази исломии Тоҷикистон Саидмукаррам Абдуқодирзода, мудирони шуъбаҳо оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии вилояти Хатлон, ВМКБ ва шаҳри Душанбе иштирок кунанд.