Дар Кӯлоб корхонаи «Ориён Рустам» фаъол гардид
Кӯлоб, 16.06.2016 /АМИТ «Ховар»/. Таъсири буҳрони иқтисодии ҷаҳонӣ ба он боис гардид, ки дар шаҳри Кӯлоб як қатор корхонаҳои саноатӣ аз фаъолият бозмонданд ё иқтидори истеҳсолии хешро коҳиш доданд. Вале баъзе соҳибкорон тавонистанд бо ворид намудани технологияҳои нав дар бозори истеъмолӣ бо маҳсулоти хеш устувор монанд.
Ҷамъияти дорои масъулияти маҳдуди «Ориён-Рустам» аз шумули чунин корхонаҳоест, ки маҳсулоташ харидорони худро дорад. ҶДММ «Ориён-Рустам» дар заминаи собиқ корхонаи гӯшти шаҳри Кӯлоб фаъол гардида, айни замон намудҳои гуногуни маҳсулоти хӯрокворӣ истеҳсол менамояд. Дар корхонаи мазкур ба сифати маҳсулот диққати ҷиддӣ зоҳир карда мешавад, аз ин рӯ ашёи хоми истеҳсолиро аз шаҳру ноҳияҳои минтақаи Кӯлоб дастрас менамоянд. Ҳоло дар корхона вобаста ба талабот се коргоҳ фаъолият дорад.
Ба қавли роҳбари ҶДММ «Ориён-Рустам» Амриддин Рустамов, дар сехи ҳасиббарорӣ мутахассисони соҳа ба кор ҷалб гардидаанд, ки ҳамарӯза миқдори муайяни маҳсулот вобаста ба фармоиши соҳибкорон истеҳсол мешавад.
Дар истеҳсоли ҳасиб технология пурра риоя ва ҳар як навъи маҳсулот дар ҳарорату вақти муайян омода мегардад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
