Фардо дар Хуҷанд «Маликаи сол-2016» муайян мешавад

Душанбе, 14.06.2016 /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон бахши ҷавонон, варзиш ва сайёҳии шаҳри Хуҷанд 15 июни соли равон озмуни «Маликаи сол-2016»-ро баргузор менамояд.
Озмун бо мақсади эҳё намудани анъанаҳои миллӣ, тарбияи маънавию эстетикии ҷавонон, эҳтиром ва муҳаббат нисбат ба зан, тарзи муомилаву завқи либоспӯшӣ ва тарбияи ҳисси зебопарастии ҷавонон гузаронида мешавад.
Барои иштирок дар озмун то имрӯз 8 довталаб номнавис шуда, омодагӣ  мебинанд.
Ҷавондухтарон тибқи шартҳои озмун маҳорату дониш ва малакаи худро дар ҳузури ҳакамон ба намоиш хоҳанд гузошт.