Ифтитоҳи Шуъбачаи минтақавии милитсия дар водии Бартанг

Июнь 24, 2016 16:18

Душанбе, 24.06.2016 /АМИТ «Ховар»/. Имрӯз барои барқарорсозӣ аз офатҳои табиӣ дар водии Бартанги ВМКБ бо иштироки вазири корҳои дохилӣ Рамазон Раҳимзода Шуъбачаи минтақавии милитсия кушода шуд. Тавре ки аз Вазорати корҳои дохилии ҶТ хабар доданд, Шуъбачаи минтақавии милитсияи Бартанг дуошёна буда, дар ошёнаи якум қисми навбатдорӣ ва 7 ҳуҷраи корӣ, дар ошёнаи дуюм ҷойи хоб барои 30 нафар кормандон, дорои тамоми шароити муосир мавриди истифода қарор гирифт. Ҳамчунин ба ин минтақа телефонҳои беноқил пайваст гардиданд, ки имкон медиҳад ҳам кормандон ва ҳам сокинон бо маркази вилоят, ноҳия, шаҳри Душанбе ва тамоми ҷумҳурӣ дар алоқа бошанд.
Аз ҷониби вазири корҳои дохилӣ ба Шуъбачаи минтақавии милитсияи Бартанг 1 мошини «Нива» барои хизматрасонӣ ва сари вақт ба ҷойи ҳодиса ҳозир шудан тақдим карда шуд.
Рамазон Раҳимзода  сокинони деҳаи Сипонҷи водии Бартангро  бо фарорасии Иди Ваҳдати миллӣ ва кушодашавии Шуъбачаи минтақавии милитсияи Бартанг табрик намуд. Зикр гардид, ки дар роҳи мубориза бо ҷинояткорӣ, қонуншиканӣ ва ҳифзи тартиботи ҷамъиятӣ ҳамкории мардум бо милитсия нақши муассир дошта, онҳо бояд бо кормандони мақомоти корҳои дохилӣ пайваста дар робитаи зич қарор дошта бошанд, зеро чунин робита ва ҳамкорӣ метавонанд ба паст шудани сатҳи ҷинояткорӣ дар ҷомеа мусоидат намоянд.

Июнь 24, 2016 16:18

Хабарҳои дигари ин бахш

КАНГУРТ — ДИЁРИ ПАҲЛАВОНОН. Ба шарафи Истиқлолият ин гӯшаи кӯҳистони Тоҷикистон ба шаҳраки зебою замонавӣ мубаддал гардидааст
ОБУ ҲАВО: Имрӯз дар Тоҷикистон чангу ғубор ба амал меояд
Кумитаи ҳифзи муҳити зист соҳиби бинои нав мегардад
ОБУ ҲАВО: Имрӯз дар ҷумҳурӣ ҳавои камабри бебориш пешгӯӣ мешавад
ТАҚВИМИ АМИТ «ХОВАР»: имрӯз 3 июл, якшанбе, 182-умин рӯзи соли 2022 аст
ОБУ ҲАВО: Имрӯз дар ҷумҳурӣ ҳавои тағйирёбандаи бебориш дар назар аст
ТАҚВИМИ АМИТ «ХОВАР»: имрӯз 2 июл, шанбе, 182-умин рӯзи соли 2022 аст
Ҳайати Узбекистон дар Кўлоб оромгоҳи Мир Саид Алии Ҳамадониро зиёрат намуд
ОБУ ҲАВО: Аз 1 то 3 июл дар Тоҷикистон ҳавои гарм боқӣ мемонад
ТАҚВИМИ АМИТ «ХОВАР»: имрӯз 1 июл, ҷумъа, 182-умин рӯзи соли 2022 аст
Ҳайати Тоҷикистон бо муовини Дабири кулли СММ оид ба масоили иқтисодӣ ва иҷтимоӣ вохӯрӣ намуд
ОБУ ҲАВО: Имрӯз дар шаҳри Душанбе ҳаво рӯзона 41+43 дараҷа гарм мешавад