Корманди комиссариати ҳарбии шаҳри Хуҷанд аз ҷониби Агентии коррупсия дастгир гардид
Душанбе, 23. 06. 16. /АМИТ «Ховар»/. Корманди комиссариати ҳарбии шаҳри Хуҷанд Чалиш Хоҷаев аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд дастгир карда шуд.
Тавре ки маркази матбуотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медиҳад, зимни гузаронидани корҳои фаврию ҷустӯҷӯӣ аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд муайян карда шуд, ки корманди комиссариати ҳарбии шаҳри Хуҷанд Хоҷаев Чалиш Ҷабборович бо мақсади тасарруфи молу мулки ғайр бо роҳи фиреб ва суиистифодаи бовар, бо истифодаи мақоми хизматӣ ба боварии шаҳрванд «М» даромада, аз ӯ барои аз хизмати ҳарбӣ бо сабаби беморӣ озод намудани фарзандонаш ва гирифта додани билети ҳарбии ғайриқобили хизмат маблағи 1000 доллари амрикоӣ гирифта, дар асоси маслиҳати пешакӣ аз маблағи гирифтааш 800 доллари амрикоиро ба ҳамкори худ, сардори зершуъбаи молия ва хоҷагидории комиссариати ҳарбии шаҳри Чкалов Маҷитова Тӯтинисо Абдуҷалиловна додааст.
Дар натиҷа аз ҳардуи онҳо далели шайъӣ- маблағи 1000 доллари амрикоӣ ёфта гирифта шуд.
Нисбат ба Хоҷаев Ч. Ҷ. ва Маҷитова Т. А. бо моддаи 247 қисми 3 банди «а»-и КҶ Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
