Мастона Пардаева «Мураббии беҳтарин»-и озмуни «Маҳорат бе сарҳад» гардид

Июнь 18, 2016 11:04

Душанбе, 18.06.16./АМИТ «Ховар»/.  Дар  озмуни байналмилалии маҳорати касбии мутахассисони муассисаҳои таҳсилоти томактабӣ зери унвони «Маҳорат бе сарҳад» бахшида ба Соли маориф ва 25-солагии Иттиҳоди Давлатҳои Мустақил, ки  бо ташаббуси кумитаи иҷроияи Иттиҳоди Давлатҳои Мустақил гузаронида шуд, мураббияи муассисаи таълимии томактабии хусусии «Панда»-и шаҳри Душанбе Мастона Пардаева иштирок намуд.
Озмуни мазкур аз 5 давр иборат буда, аз моҳи январ то моҳи июни соли 2016 баргузор гардид. Мувофиқи талаботи низомнома 4 шарти озмун ба тариқи фосилавӣ гузашта, даври ниҳоӣ — ҷамъбастӣ моҳи  июн бо иштироки ғолибони озмун дар шаҳри Санкт-Петербург баргузор гардид.
Дар озмун 120 мутахассиси соҳаи таҳсилоти томактабӣ аз кишварҳои узви ИДМ иштирок намуданд. Намояндаи Ҷумҳурии Тоҷикистон Мастона Пардаева дар 4 даври аввал шартҳоро бомуваффақият иҷро намуда, бо гирифтани холи баланд ба даври финалии озмун ҳамчун мураббияи беҳтарин даъват гардид.  Баъд  аз ҷамъбасти озмун дар номгӯи «Мураббии беҳтарин» ба гирифтани дипломи ғолиб  ва туҳфаи хотиравӣ  сазовор гардид.
Мастона Пардаева иҷрои шартҳои ҳар  як  даврро  бевосита зери  роҳбарӣ ва маслиҳати  сармутахассиси  раёсати таҳсилоти томактабӣ ва миёнаи умумии Вазорати маориф ва илми Ҷумҳурии Тоҷикистон Лутфия Иматова ба анҷом расонид  ва ҳамчун «Мутахассиси беҳтарин»  баҳо гирифт.
Озмуни  мазкур бо мақсади баланд бардоштани маҳорати касбии мутахассисони соҳаи таҳсилоти томактабӣ бо иштироки намояндагони Иттиҳоди Давлатҳои Мустақил дар сатҳи баланд гузаронида шуд.

Июнь 18, 2016 11:04

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд