Мусобиқаи кушод оид ба тӯби дастӣ

Июнь 16, 2016 16:56

Душанбе, 16.06.2016 /АМИТ «Ховар»/. Мусобиқаи кушоди шаҳри Душанбе оид ба варзиши тӯби дастӣ баргузор гардид, ки ба 25-умин солгарди Истиқлолияти давлатӣ ва Рӯзи ваҳдати миллӣ бахшида шуда буд.
Мусобиқа дар майдончаи хурди Донишкадаи тарбияи ҷисмонии ба номи ҷаҳонпаҳлавон Саидмуъмин Раҳимов бо ширкати чор даста сурат гирифт.Мусобиқаи мазкур бо ташаббуси Раёсати ҷавонон, варзиш ва сайёҳии шаҳри Душанбе дар ҳамбастагӣ бо Федератсияи тӯби дастии кишвар гузаронида шуд. Ҳадафи ташкилкунандагон  ҷалби ҳарчи бештари ҷавонону наврасон ба ин риштаи варзиш ва таъсиси як дастаи пурқуввати гандбол ҷиҳати ширкат дар мусобиқаҳои байналмилалӣ, бахусус Осиёӣ мебошад.
Дар Тоҷикистон тайи солҳои охир барои  инкишоф ва тарбия намудани варзишгарони  болаёқат дар риштаи тӯби дастӣ тадбирҳои зарурӣ андешида шуда, ҳамасола мусобиқаҳо дар кишвар оид ба тӯби дастӣ ё маъруф бо номи гандбол гузаронида мешаванд.
Дар охири сабқат ба донишҷӯёни Донишкадаи тарбияи ҷисмонии кишвар муяссар гардид, ки бар ҳарифашон- дастаи Мактаби варзишии №5-и шаҳри Душанбе пирӯз шаванду ба гирифтани мақоми аввал даст ёбанд.
Баъд аз бозии финалӣ ва муайян намуди ғолиб дар фазои тантанавӣ ба иштирокчиёни фаъолу дастаи муваффақ медалу ифтихорнома ва ҷоми мусобиқа тақдим карда шуд.

Июнь 16, 2016 16:56

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт