Ғолибони мусобиқаи наврасон оид ба теннис бахшида ба Рӯзи олимпӣ дар шаҳри Хуҷанд
Душанбе, 14.06.2016 /АМИТ «Ховар»/. Рӯзҳои 11-12 июн дар майдонҳои тенниси Маҷмааи варзишии шаҳри Хуҷанд мусобиқаи наврасон оид ба теннис бахшида ба Рӯзи олимпӣ баргузор шуд.
Тавре аз Хадамоти матбуотии Кумитаи миллии олимпии Тоҷикистон хабар доданд, дар мусобиқа, ки ташкилкунандагони он Кумитаи миллии олимпии Тоҷикистон ва Мактаби варзишии бачагону наврасони вилояти Суғд буданд, ҳудуди 30 нафар теннисбозони наврас ширкат доштанд.
«Ин мусобиқа ҳамчун мусобиқаи омодагӣ ба Бозиҳои олимпии наврасон- Буэнос-Айрес-2018 дар доираи барномаи Ҳамбастагии олимпӣ баргузор шуд», — иброз дошт Маҳмуд Абдуллоев, мудири шуъбаи варзиш ва маълумоти олимпии Кумитаи миллии олимпии Тоҷикистон.
Дар рақобатҳои инфиродӣ миёни писарони то 10-сола Павел Сафин ғолиб шуд. Сӯҳроб Ризоқулов ҷойи дувум ва Худоназар Ниёзов ҷойи севумро соҳиб гаштанд.
Дар байни писарони аз 10-сола боло Мараматшо Аёнбеков ҷойи аввалро аз они худ кард. Алишер Шоимардов дар ҷойи дуюм ва Фирдавс Қосимов дар ҷойи сеюм қарор гирифтанд.
Дар мусобиқаи духтарон Комила Урунбоева пирӯз шуд. Меҳронахон Баҳодурхоҷаева ҷойи дуюм ва Фариза Баҳодурхоҷаева ҷойи сеюмро соҳибӣ карданд.
Дар рақобатҳои ҷуфти писарона Мараматшо Аёнбеков/Алишер Шоимардов ғолиб гардиданд. Мирзо Муъминов/Комрон Саидмуродов ҷойи дуюм ва Фирдавс Қосимов/Фирдавс Алиев ҷойи сеюмро ишғол намуданд.
Ба ғолибон ҷому медалҳои тилло, ифтихорнома ва либоси варзишӣ супурда шуданд. Теннисбозоне, ки ҷойҳои дувуму севумро соҳиб шуданд, мутаносибан бо медалҳои нуқра ва биринҷӣ, ифтихорнома ва либоси варзишӣ мукофотонида шуданд. Ба ҳамаи ширкткунандагони мусобиқа либоси варзишӣ тақдим гардид.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
