Оё мутасаддиён дар муддати ду ҳафта тозакунии заҳбурҳоро ба анҷом мерасонанд?
Душанбе, 11.06.2016 /АМИТ «Ховар»/. Дар шаҳри Конибодом ин ба гардиши кишоварзӣ баргардонидани миқдори зиёди заминҳои минтақаи Тӯқай чун мушкилӣ боқӣ мондааст.
Зимни сафари корӣ раиси вилоят ин минтақаро мавриди назар қарор дод. Тибқи нақша дар ин минтақа 2742 гектар замин мавҷуд аст, ки 1436 гектарашро заминҳои корам ташкил медиҳанд. Аз миқдори умумии заминҳо ҳамагӣ 800 гектар мавриди истифода қарор гирифтаасту халос. Сабаби беистифода мондани майдонҳои фарох, агар аз як тараф баланд шудани сатҳи оби зеризаминӣ ва шӯр гардидани замин бошад, аз тарафи дигар ҳуҷуми чорвои беназорат дар мисоли галаи аспҳои бегона ва гову гӯсфанд ба зироати деҳқон аст, ки тайи чанд соли охир онҳоро ба ташвиш гузоштааст.
Ҷиҳати бартарафсозии ин мушкилӣ бо дастгирии роҳбарияти вилоят кофтани саддҳо барои пешгирии чорво ва тоза кардани заҳбурҳо шурӯъ шудааст. Барои ин кор аз буҷети вилоятӣ 1,5 миллион сомонӣ равона гардидааст. Раиси вилоят барои анҷоми кори тозакунии заҳбурҳо дар назди мутасаддиён ду ҳафта муҳлат гузошт. Дар ин муддат бояд роҳбарияти шаҳр ҳамчунин 400 гектари дигарро дар ин минтақа барои пешниҳоди соҳибкорони хоҳишманд омода намояд ва дар ин заминҳо кишти зироат худи ҳамин сол ба роҳ монда шавад.
Ҳамин тавр, пешгирии чорвои бегона ва таъмини об имкон медиҳад, ки миқдори зиёди заминҳо дубора ба гардиши кишоварзӣ баргардонида шавад ва барои сокинон ҷойҳои нави корӣ фароҳам оянд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
