Тақдими эътимодномаи Сафири Ҷумҳурии Тоҷикистон ба Шоҳи Арабистони Саудӣ
Душанбе, 22.06.2016 /АМИТ «Ховар»/. Имрӯз Подшоҳи Шоҳигарии Арабистони Саудӣ Салмон ибни Абдулазиз оли Сауд Сафири фавқулода ва мухтори Ҷумҳурии Тоҷикистон дар ин мамлакат Заробиддин Қосимӣ ва сафирони нави дигар давлатҳоро барои қабули эътимодномаҳо ба ҳузур пазируфт.
Зимни маросими эътимодномасупорӣ, ки дар ҳузури роҳбарияти давлату ҳукумати Шоҳигарии Арабистони Саудӣ ҷараён гирифт, Заробиддин Қосимӣ паёму дуруд ва таманниёти неки Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Подшоҳи Шоҳигарии Арабистони Саудӣ Салмон ибни Абдулазиз оли Сауд расонда, эътимодномаи худро тақдим намуд.
Подшоҳи Шоҳигарии Арабистони Саудӣ Салмон ибни Абдулазиз оли Сауд дар ҷараёни суҳбат бо сафирони тозатаъйин дар мамлакат, аз ҷумла ба масоили вобаста ба таҳким ва густариши робитаҳои дӯстӣ ва ҳамкории судбахш таваҷҷуҳ зоҳир намуд.
Хотиррасон бояд намуд, ки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Шоҳигарии Арабистони Саудӣ моҳи январи соли 2016 бо сафари расмӣ ташриф оварда буд. Ин боздид, ки дар ҷараёни он миёни ду кишвар 5 санади нав доир ба ҳамкорӣ дар соҳаҳои мубориза бо ҷинояткорӣ, маориф ва таҳсилоти олӣ, илм ва технология, ҷавонон, варзиш ва алоқаи ҳавоӣ ба имзо расида буд, ба рушди муносиботи дӯстонаи ду кишвар такони ҷиддӣ бахшид.
Ҳарду ҷониб барои татбиқи амалии натиҷаҳои ин сафар ва дигар санадҳои ҳамкорӣ, ки миёни ду кишвар амал мекунанд, пайваста талош меварзанд. Аз ҷумла, соли равон баргузорсозии ҷаласаи навбатии Комиссияи муштараки байниҳукуматӣ доир ба ҳамкории иқтисодию тиҷоратӣ дар Шоҳигарии Арабистони Саудӣ дар назар аст.
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
Имрӯз дар водиҳои Тоҷикистон ҳаво то 25 дараҷа гарм мешавад
